عشتم وعاش لبنان #هيئة_قضاء_المتن #التيار_الوطني_الحر

    0

    كلمة منسق هيئة قضاء المتن ممثلا دولة الرئيس العماد ميشال عون والوزير جبران باسيل في عشاء هيئة المنصورية – المكلس – والديشونية:
    مسا النضال، للتحرير بزمن الاحتلال، وللتحرر بزمن الهيمنة على الحقوق وضرب الوجود، ومنع المساواة.
    مسا تيار الاوادم، يلي مهما حاول البعض ياخدو لغير مطارح، طمعا بمنصب او كرسي او جاه، بغربل بمنخل المبادىء وبيفصل القمح عن الزؤان، ومنبقى وبتبقوا، لانو الحقيقة بتبقى حقيقة ولو كتروا محاربينا، والكذبة بتبقى كذبة ولو كتروا مروجينا.
    مسا التيار القوي، باتحادو، لانو بالاتحاد قوة، ومسا الحق بوج الدجل، والراس المرفوع بوج الخنوع، مسا المثابرة بوج الاستسلام، والتشبث بالاسي والمبادىء بوج التسويات والصفقات.
    اهلي بالتيار، رفاقي واصدقائي،
    متل ما بتعرفو رح انكون بعد اسابيع مع استحقاق ديموقراطي، بتختار في القاعدة مرشحينا للانتخابات النيابية. وهل مسار يلي بيعطي المحازبين المجال لاختيار ممثلينن، لازم يكون استحقاق لنجدد في العهد والوعد… العهد لكل يلي سبقونا والوعد لكل يلي رح يجو من بعدنا.
    العهد انا نبقى اوفياء للقضية، قضية الوطن السيد الحر المستقل بوج المحتل، اي محتل وكل محتل، اوفياء للنضالات لمن كتار تخبو.
    ووعد ليلي رح يجو من بعدنا، انو امانة الشعلة رح نحملها بكل امانة، لتبقى من جيل لجيل منارة لكل الاجيال.
    من هل اسس والمبادىء مننطلق. ولمن منخوض اي استحقاق انتخابي، بلدي او نيابي او حزبي، منخوضو على هل اساس، ومنخسر او منربح ع هل اساس، تيضل راسنا مرفوع لانا بقينا نحنا نحنا، لا تلونا ولا تغيرنا، ولا سايرنا حدن ضد مصلحة جماعتنا وتيارنا وقيمنا ومبادئنا. لانو شو صغير بيكون الربح اذا كان سعرو مدفوع من مال التسويات، وشو كبير الفوز يلي بينبنى على فلس النضالات.
    وبالنهاية بدي وجه تحية لأهلنا الصامدين بالقاع وتحية للشهداء يلي سقطو والدعم الكامل لجيشنا البطل ولكل مقاوم، وعلى راسون العماد ميشال عون. وما يفكرو بكم ارهابي بفجر نفسو لبنان بيهتز، لبنان يلي منعرفو هو لبنان العماد عون، هو لبنان الصمود، هو لبنان يلي ما بيركع.