احتفال مهيب في مدارس الليسه ناسيونال في ذكرى استقلال لبنان
من يمتلك وطنا مثل لبنان، يملك كنزا لا تضاهيه درر هالعالم وان اجتمعت. لبنان هو الحب الأبدي الذي لا ينطفئ، هو الحلم والأمل الذي لا نريد أن نخسره. مهما قست الظروف سنبقى على يقين أن بلدنا عصي على المآسي. سينهض من جديد بهمة أبنائه وطلابه. هنيئا لنا جميعا بذكرى الاستقلال الذى سنعمل لترسيخه بشكل فعلي لكي لا يصبح لبنان ذكرى دولة وكيان.
من بلدة الاستقلال، بلدة بشامون الأبية، احتفلت مدارس الليسه ناسيونال بعيد الاستقلال بحضور ورعاية رئيس المدارس الأستاذ هيثم ذبيان و الهيئتين الإدارية والتعليمية. 4500 تلميذ شاركوا في الاحتفال في بشامون، وحوالي 1500 تلميذ في بقعاتا وبيروت، مرتدين اللباس العسكري وحاملين الأعلام اللبنانية.
استُهل الاحتفال بعرض كشفي لجمعية كشافة الليسه ناسيونال داخل ملاعب المدرسة.
تلا العرض كلمة لرئيس المدارس الأستاذ هيثم ذبيان قال فيها:
” بعيد الوطن صرلي شي عشر سنين
بحكي تحلم بلادنا يكبر
ونادي يفيقو هالسياسيين
يفيقو قبل ما بالدنا نخسر
يمكن تعبتو بين سين وجين
ويكمن تعب من وقفتي المنبر
لكن ما شفنا غير الفاسدين
وانبح … صوت الناس مش أكتر
***
والعيد يعني ناس فرحنانين
وين الفرح والعيد والعنبر؟
الا بعيدو هالـ وطن مسكين
شعبو الحزين ب يحزنوا أكتر.
***
بدنا نشوف الناس متحدي
ونرفع غصن من أرزنا األخضر
بدنا أهل لبنان قدرانين
يشوفو والدن هون عم تكبر
لكن ما شفنا غير فاسدين
سرقوا الحلم من جيل عم يكبر
لا في حدا بطبق قوانين
ولا في حدا عالحق عم يسهر
كان الفساد بيستحي من سنين
صار الفساد مقونن مفسر
وصرنا نخون الناس باسم الدين
ولك كيف بدنا بهالبلد تخمين
نرجع نشوف الناس مجتمعين
وما فؤ روطني واحد تغير
هالعيد منو بس غنا وموال
ورقصة لشعبو بتذكرا األجيال
هالعيد شعب مقاوم بكل األشكال
والدو بأرض بالدنا رسمال
شوفو معي الليسة ناسيونال
وطلاب عنا حققوا الآمال
عيد الوطن بدو رجال رجال
مش شعب فاسد مكبل بالأموال
ورغم الفساد بهالوطن منضل
نحن األمل بكتاف عليانة
منعرف بإنو الناس داقو الذل
وصار الحكم للناس زنزانة
منعرف بإنو وضعنا معتل
شعب انقسم ونفوس خربانه
نحنا الي هون ومستحيل نفل
من مدرسة بالمجد منصانة
وقلوبنا منحط فيها الكل
شعبي وإنجيلي وقرآني
منبقى لأنو أرضنا منجل
وعنا بوطنا جيش لبناني…
***
والناس لمن مليت الطرقات
حلموا بوطن خاطر على بالن
نزلنا وكنا كتار بالساحات
ونحنا معن، منموت كرمالن
لكن الي إجونا بشعارات
تـيمثولنا ونحلم قبالن
بنقول ضيعان الي منا مات
نواب انشاهلل يمثلوا حالن…
تخلل الاحتفال إنشاد للأغاني الوطنية. وفي الختام أكد الجميع من إداريين وأساتذة وطلاب على الثبات في الوطن والإرادة الجامعة للنهوض من جديد. وردد رئيس المدارس مع الجميع
” الآن تعالوا نرفع الأيادي:
معا معا
على الجراح والمحن
معا معا
نعيش من أجل الوطن
معا معا
لبنان ليس مرتهن
معا معا
معا نموت أو نحيا معا.
و ختم الحفل بأغنية راجع يتعمر لبنان
