كتب الخبير الاقتصادي وليد ابو سليمان عبر صفحته على فيسبوك : أما وإنو الانتخابات البلدية صارت عالبواب، اللي بيهمنا نحنا كأهالي #المتين هو كيف نرجّع نبض الحياة لهالبلدة العريقة، اللي مش بس تاريخية ومصنفة آثارية، بل كمان عندها ساحة وميدان بيضاهوا أهم الساحات التراثية بالعالم. #المتين، الأكبر مساحة ومشاعًا بقضاء #المتن ومن الأكبر بلبنان، عندها مدينتين صناعيتين ومنطقة سياحية واسعة بالزعرور، غير إنها بلدة مكتفية مائيًا وبتوزع ميّاها لكل أهلها. عنا مدارس رسمية وخاصة، ومدرسة مهنية، وهيدا غير الطابع القروي الجميل اللي بعدها محافظة عليه رغم التطور.
إذا بدنا نحكي عن مزايا #المتين، الحبر ما بيكفّي، ويمكن نحتاج مجلدات، بس الأهم اليوم إنو كل واحد من أهلها عندو رغبة يرجّعها على الخارطة، مش بس كبلدة صناعية وسياحية، بل كمان كواجهة ثقافية وحضارية. الانتخابات فرصة لنشوف مين عن جد حامل مشروع نهوض، بعيد عن الاصطفافات اللي فرّقت الناس وضيّعت فرص التنمية. مين بدو يقدر يعيد الاعتبار لهالمكان التاريخي؟ مين بدو يطور العمل البلدي بمكننته وتحديثه؟ مين عندو استعداد يعمل اتفاقيات توأمة مع بلدات تانية لتوسيع الآفاق؟
المتين عندها كل المقومات لتكون نموذج بلبنان، بس بدها ناس مؤمنة بمشروعها، ناس بتشتغل لأجلها، مش لأجل الحسابات الضيّقة. وهنيئًا للي بيحمل هيدا المشروع وبيمشي فيه للآخر.#المتين #المتن #لبنان 🇱🇧 @highlight
