أطل الاعلامي بسام ابو زيد ضمن برنامج ” في امل” مع الإعلامية ريم حرب شواح عبر أثير إذاعة لبنان الحر
وقال ضمن فقرة نصيحة أمل:
“في قول بقول: ما أضيق العيش لولا فسحة الأمل ،
وانا هيد بفكر وبقول انو الامل لازم دايما يكون موجود بحياتنا، وقدام كل موقف صعب منمرق فيه نقول في أمل نقدر نتخطى هالصعوبة..
وهيك بلبنان تحدياتنا كبيرة وصعبة، لكن حتى اذا وصلنا لليأس لازم دايما نأمن انو في أمل بلبنان.
الامل بهل وطن منصنعوا على المستوى الشخصي كل واحد وحده يجرب يلاقي الايجابي،
وعلى المستوى الجماعي من خلال ضرورة العمل سويا لتحسين الوضع وافراز الامور الايجابية، ولا سيما بالعمل الاعلامي، اذا حاولنا نبرز الإيجابي منعطي امل لانفسنا وللاخرين.
واضاف ابو زيد: ” انا كان عندي تجربة شخصية تركت لبنان بالاوضاع الصعبة ورحت اشتغل برا بس بعد شهرين رجعت، صحيح الاسباب كتيرة، بس الاهم فكرت انا وبرا انو في امل نبني لبنان، مش دايما لازم نركز على السلبي في كتير أمور إيجابية هون..”
وختم بالقول: “فكروا بإيجابية وبأمل حتى لو ضئيل هيدا الامل بيكبر اذا تكاتفنا وبرزني…
في امل.. بسام ابو زيد”
نذكر ان برنامج في أمل يبث كل احد عند الحادية عشرة من قبل الظهر، ويسلط الضوء خلال فقراته الخمسة على أوجه الامل التي لا تزال موجودة في لبنان، والتي نحتاج اليها لنصمد ونستمر في هذه المرحلة الصعبة.
