كنت أخدم تحت إمرته في أحد الأفواج ، قيل لي قائد الفوج إستدعاك بدو يشوفك ، نقزت شو بدو مني رحت على مكتبوا خبروه أنو أنا ناطر قدام المكتب فتت قدمت التحية العسكرية وعرفت عن حالي ، سألني كيفك كيف عيلتك مبسوط بالخدمة قلتلوا بوجودك سيدنا مبسوط ، سألني كم ولد عندي بس هوي بيعرف قديش عيلتي لانو اكيد سأل وبيعرف كل شي عني ، قلتلوا قللي الله يخليلك هني ، قللي قرب قريت خطوة قللي قرب حدي قربت فتح درج من المكتب وشال ظرف قللي هول للولاد ، أول ثانية تفاجئت قلتلوا لأ سيدنا من خير الله وخيرك قللي طوني هول للولاد ما كان يقبل اخدت الظرف ووصاني انتبه على حالي وعلى عيلتي وفليت بطريقة عسكرية ، رحت على مركزي فتحت الظرف لقيت ٣٠٠ ألف ليرة يشهد الله كنت بحاجة لألف ليرة ، ما بعرف شو صرلي نبسطت كتير ودعيتلوا ، سألت ظابط ليه عمل هيك قللي معاشوا كل شهر بيوزعوا على العسكر ومن وقتا صرت أعرف قديش عملاق هالقائد ، الله يرحم ترابك حبة حبة يا بطل ….
#اللواء_فرانسوا_الحج #بطل_من_بلادي 🇱🇧⚔️❤️
