وسام ضو لنواف سلام : الناس ما راح تسكتلك

كتب المرشح عن المقعد الماروني

في عاليه

المهندس وسام ضو : نواف سلام، أخطر شي مش القرار… أخطر شي إنك عم تبرّر الغلط. القطاع العام مدبوح، و الناس مدبوحة، والحل عندك: تشيل من جيبة فقير وتحط بجيبة فقير تاني؟ عن جد؟ هيدا اسمو حل؟ مش القصة قدّيش المصاري. القصة قديش القرار غبي ومستفز. الناس مش رح تدفع. مش لأنو ما فيها تدفع… بل لأنو ما بقى فيها تتحمّل استهتار. نحنا وقفنا بوجه عهد ميشال عون لأن قراراته الاقتصادية كانت مميتة. وإنت جايي تتصرّف كأنك هابط من “لا لا لاند” ولا شايف عشر سنين انهيار، ذل، وجوع. عم تقول الناس ممتعضة؟لا. الناس غاضبة. والغضب ما بيرحم.

إذا بدك نصيحة: بدل ما تسمع مستشارين معزولين عن الواقع، اقعد مع حداد، سنكري، ميكانيكي، مزارع، مهندس، طبيب، رسام… يعني ناس عايشة الوجع يومياً، مش موظفين دولة محميين. يمكن وقتها بتفهم إنو المشكلة مش أرقام على ورق… الناس ما رح تسكتلك و لا لح تسكت لغيرك.